भोजपुरी के आगे बढ़ावे में भिखारी ठाकुर जी के अमूल्य योगदान रहे निश्चित रूप से हम कह सक तानी की ईहा के योगदान के कवनों आदमी कबों ना भुलाई। ईहा के मशहूर भोजपुरी कवि, नाटककार और लोक कलाकार रहनी, राउर जन्म 18 दिसंबर, 1887 के कुतुबपुर गांव में भईल रहे, जवन अब सारण जिला, बिहार, भारत के एगो हिस्सा बा। राउर उल्लेखनीय योगदान अभिव्यक्ति के विभिन्न रूप में फईलल रहे - नाटक, औरी एकालाप से लेके कविता औरी भजन तक।
राउर लिखल नाटक बिदेसिया, गबरघिचोर, बेटी बेचवा, और भाई बिरोध के साथे औरी बहुत सारा रचना भोजपुरी साहित्य औरी संस्कृति पर एगो अमिट छाप छोड़ले रहे। रउरा के "भोजपुरी के शेक्सपियर" के रूप में सम्मानित कईल जाला औरी एकरा साथे लौंडा नाच लोक थिएटर परंपरा के जनक के रूप में भी जानल जाला। राउर विरासत दर्शक लोगन के बीच हमेशा गूंजत रहेला औरी जमीनी स्तर पर जीवन के सार, दर्द औरी आशा के भली-भुत करेला। 🌟🎭🎵
आपन भोजपुरी
बाबूजी के मार के भाषा भोजपुरी
माई के दुलार के भाषा भोजपुरी
संघतिया इयार के भाषा भोजपुरी
मलिकाइन से प्यार के भाषा भोजपुरी।
रग-रग मे हमरा समाइल भोजपुरी,
फेरू संविधान में ना आइल भोजपुरी।
शादी-बियाहे के भात भोजपुरी
छबीस करोड़ लोगवा से नात भोजपुरी
बरसों से सहेजल आपन थात भोजपुरी
सरकारन से सहे जवन घात भोजपुरी।
राजनीति के फेरा मे अझुराइल भोजपुरी,
फेरू संविधान में ना आइल भोजपुरी।
मानल जाला एगो आपन रीत भोजपुरी
दुश्मनो से दुश्मन कहे मित भोजपुरी
छन्ने भर मे हो जाव अइसन प्रित भोजपुरी
अश्लीलता मे धसल अइसन गीत भोजपुरी।
तबो नाही घोंटते-घोंटाइल भोजपुरी,
फेरू संविधान में ना आइल भोजपुरी।
अनदेखी के भइल शिकार भोजपुरी
बोलले बिना भइल बेमार भोजपुरी
घरहीं मे रोवे हमार भोजपुरी
बुझे लागल लोगवा गँवार भोजपुरी।
हिन्दी-अंग्रेजी से लजाइल भोजपुरी,
फेरू संविधान में ना आइल भोजपुरी।
अपने लोग से माँगऽ तावे भिख भोजपुरी
बबुवा हमार अब सिख भोजपुरी
तनिको बुझाइ ना तिख भोजपुरी
कुछू ना बुझावऽ त लिख भोजपुरी।
अस्तित्व खातिर अपना चिलाइल भोजपुरी,
फेरू संविधान में ना आइल भोजपुरी।
शम्श जमील✍️
Source:
(1) Bhikhari Thakur - Wikipedia. https://en.wikipedia.org/wiki/Bhikhari_Thakur.
(2) Bhikhari Thakur: Life’s Nachaniya - Forward Press. https://www.forwardpress.in/2017/01/bhikhari-thakur-lifes-nachaniya/.
(3) Bhikhari Thakur - Wikiwand. https://www.wikiwand.com/en/Bhikhari_Thakur.
(4) भिखारी ठाकुर - विकिपीडिया. https://bh.wikipedia.org/wiki/%E0%A4%AD%E0%A4%BF%E0%A4%96%E0%A4%BE%E0%A4%B0%E0%A5%80_%E0%A4%A0%E0%A4%BE%E0%A4%95%E0%A5%81%E0%A4%B0.
(6) भिखारी ठाकुर: भोजपुरी के 'शेक्सपियर' और भारत के जीनियस की कहानी - BBC .... https://www.bbc.com/hindi/articles/cg3d9v8mde1o.
कोई टिप्पणी नहीं:
एक टिप्पणी भेजें